താളിയോല ബ്ലോഗ്‌

രാജ നീതി

ഖാന്ധവങ്ങൾ എരിയട്ടെ മയക്ഷേത്രങ്ങൾ ഉയരട്ടെ 

ദിഗന്ധങ്ങളിൽ വഴിയുന്ന വർഷം

അമ്ലത്താൽ അമൃത് പൊഴിക്കട്ടെ

ആവയിൽ കുതിരുന്ന കർമ്മം

ജീവനകലയിൽ പുണ്യം നിറക്കട്ടെ 

ക്ഷീരപഥങ്ങളിൽ നിറയുന്ന നീരിൽ

വിഷപുഷ്പങ്ങൾ വിരിയട്ടെ

നപുംസകങ്ങൾ ഉയർക്കുന്ന കവചത്താൽ

അർജ്ജുന ബാണങ്ങൾ തീമഴയാവട്ടെ

വൃദ്ധനെഞ്ചകങ്ങൾ കുരുവംശ ഗാഥയെ ഉത്തുംഗ ശ്യംഗമാക്കട്ടെ

കുരുക്ഷേത്രം ബാലക നിണത്താൽ ചുവക്കട്ടെ 

യുധിഷ്ഠിര സത്യത്തിൽ പിത്യശിരസ്സുകൾ ഉരുളട്ടെ

രാജാവിൻ തുടതകർക്കുന്ന ഗദകൾ ധർമ്മംപുലർത്തട്ടെ

ഉയരട്ടെ ജിഹ്വകൾ ഉണരട്ടെ ജനത കരയട്ടെഅമ്മമാർ പുലരട്ടെ രാജ നീതി