പുതു ഓണപ്പാട്ട്

       പുതു ഓണപ്പാട്ട്  

ചന്ദനഗന്ധം പരത്തി വിലസും  പൊൻഉഷസന്ധ്യയെ നീ  

മന്ദസമീരൻ നിന്നുടൽ ഒന്നായ്  പുൽകികടന്നെന്നോ 

വന്ദന സമയമിതൊന്നിൽ ചാർത്തും കുങ്കുമവർണ്ണത്താൽ 

ചന്തമിയർന്നൊരു നിൻരൂപം കാന്മൂ പിൻ ചക്രവാളത്തിൽ 

കന്മദമിയർന്നൊരു പാരിൻ മനസ്സിൽ വിണ്ണിൻ കല്പനകൾ  

കാന്മൂവീണ്ടും കല്പിതമായൊരു കർമ്മ വിചാരങ്ങൾ  

ചിന്മയ ഭാർഗ്ഗവൻ വിട്ട് കടന്നൊരു സിന്ദുരാവേഗം  

മിന്നും ഒളിയായ് പടർന്നിരുന്നു ചുറ്റും ചാലിച്ച് 

പയ്യേ പയ്യേ കണ്ചിമ്മുന്നു  താരാകുഞ്ഞുങ്ങൾ  

കയ്യുകൾ നീട്ടി ആട്ടി വിളിച്ചും മരുവുന്നു ദുരെ 

കൊയ്യും വെണ്നിലവുകൾ തൻ വിളയുടെ കൂട്ടങ്ങൾ 

തെയും തിറയും കൊട്ടി വിളിക്കും ഭുവിൽ  മന്ത്രങ്ങൾ  

വെള്ളി വെളിച്ചം കത്തിക്കനായ്  വൃഥാ ജന്മങ്ങൾ  

തുള്ളി ഉറഞ്ഞും ചോര തെറിച്ചും കോമരകുട്ടങ്ങൾ 

കള്ളി പാലകൾ കെട്ടി നിറക്കാൻ നവൊറു പാഠങ്ങൾ  

പള്ളിയുറക്കാൻ വെളിപാട് തേടും  ഊരയ്മക്കുട്ടം  

ഓണപ്പാട്ടുകൾ  നിറഞ്ഞൊരു മണ്ണിൽ ഭരണിപട്ടിന്പം 

കാണം നിറഞ്ഞും കനകം കണ്ടും വെളിപാടിൻ തിറകൾ 

നിണം കുടിക്കും കൊയ്ത്തരിവാളുകൾ മറന്നു കതിരുകളെ  

പണം നിറച്ചും വരം കൊടുത്തും നിറക്കും വായ്ത്താരി  

ഇവിടെ ഇല്ല ഉഷസന്ധ്യകൾ നിറക്കും ചന്ദന ഗന്ധം  

കൂവിയാർക്കും ആസുര പടയുടെ ഝണഝണ നാദം  

കവിയുടെ കുരലുകൾ ചടുലമായ് അരിയുംപാവന മണിനാദം  

താവളങ്ങൾ തുടി കൊട്ടി നിറക്കുന്ന ആര്യ സംസ്കാരം